السالمونيلا وعلاجات كتير مبتكره (احمد الشاذلى) غواه عين شمس على الفيس بوك تابعونا

Dr-george Farm تاكيدا على كلام دكتور بسام كاول نقطة نقاش في يومنا المفتوح ....يظهر اعراض المرض على شكل كششان ....اسهال بالوان مختلفو اهمها الاخضر بدرجاته ....ريحته عادية مش نفاذة ....عدم الاقبال على الاكل و الشرب حتى لو اكلته بالعافية مش حيهضم و دة نظرا لانتشار سموم ميكروب السالمونيلا في الجهاز الهضمي مما يؤدي لعطل فيه و تةقفه عن الحركة و العمل نهائي خصوصا في حالات الاصابة بالسالمونيلا باراتيفويد او سالمونيلا تيفويد و دة احد اهم اسباب فشل العلاج بالكبسول و الدواء الشرب لتوقف الامتصاص الا في الحالات البدائية جدا
أبو هاجر قمرة السالمونيلا مرض بكتيرى معدى
-----------------------------------
يعتبر السالمونيلا أحد أهم الأمراض الفتاكة والمعدية التي تصيب الحمام، فهي تسبب في خسارة فادحة للحمام. السالمونيلا مرض بكتيري معدي ، تبقى البكتريا في المسكن والبيئة المحيطة به لمدة سنة أو أكثر.
يعتبر هذا المرض الأكثر خطورة ورعب لمربين الحمام، يصيب أكثر الأحيان الحمام الصغير، وهو مرض يقضي على الحمام قبل ان تدرك حدوث الإصابة المسبقة، وتموت الصغار قبل ان تكون لديك أدنى فكرة عن السبب. المرض ينتقل أيضا للحمام الكبير من الحمام المريض ويصيب عضلات الحمام الكبير والمفاصل والرأس ويصبح الحمام مرتخيا لا يقدر على الوقوف.
ينتشر المرض عن طريق بكتيريا تستطيع أيضا اختراق بيض الحمام أثناء التفريخ وبالتالي ينتج فرخ مصابا وقت فقسه ، كما ينتشر عن طريق الذرق ، وهو يصيب الجهاز الهضمي للحمام بشكل أساسي.
تقدر نسبة الموت لدى الصغار في حالة الإصابة بالمرض في المسكن 75% من الحمام. ويستمر المرض تقريبا أسبوعا لدى الحمامة يصاحبه إسهال اخضر وصعوبة في التنفس والضعف العام والمظهر الكامد.
الإصابة بالمرض تأخذ إشكال عديدة:
الإصابة بالإسهال في المعدة والصغار تفقد الشهية وتضعف نتيجة الإصابة بالإسهال وتموت بسرعة.
الإصابة المفصلية وتورم الأجنحة والأرجل بحيث لا يستطيع الطائر الطيران ويصبح كسيحا.
الإصابة في الكبد والكلي والطحال وتصبح عيون الحمام لونها زجاجية.
الإصابة العصبية في جهاز المخ والدماغ.
انتفاخ الحويصلة بالماء نتيجة الاسراف فى الشرب وعدم الاكل
أسباب مشجعة لظهور المرض:
ظروف الرعاية الغير جيدة والمستوى الصحي تعتبر عوامل مساعدة على الإصابة بالمرض.
ينتقل المرض أيضا عن طريق مياه الشرب والتغذية القذرة.
غبار الحمام والتهوية السيئة للمسكن.
وجود الحشرات والفئران والقوارض.
أوعية التغذية والمياه القدرة .
تزاوج الحمام المريض.
ينتقل المرض من الحمام المريض إلى البيض.
تغذية الصغار بلبن الحوصلة لحمام مريض.
نقل الحمام من مساكن مختلفة بشكل عشوائي بدون مراعاة للظروف الصحية.
بعض الإجراءات الوقائية:
إذا كان هناك اشتباه في الإصابة بالمرض يجب فحص الحمام جميعه.
يجب إبادة الحمام الذي يعاني من أعراض شديدة أو هزال حاد، ومعالجة بقية الطيور بعد إجراء الفحص.
إذا تطور المرض بشكل واضح في المسكن يجب إبادة القطيع كاملا ، باستثناء الحمام الغالي الثمن هنا يجب المحاولة لعلاجه.
يجب فصل الحمام عن بقية أنواع الطيور الأخرى كالدجاج والحمام البري، لأنها غالبا هي حاملة للمرض.
يجب تنظيف المسكن والأدوات بصورة جيدة ومنتظمة.
يجب الاحتفاظ بالحمام بصورة جيدة وإطعامه بشكل سليم.
يجب تخزين الغذاء في أماكن مناسبة بعيدة عن القوارض والحشرات.
يجب نقل الحمام الصغير بعد الفطام في أقفاص خاصة بالطيور الصغيرة لمراقبة حالتها الصحية.
الوقاية والعلاج:
العلاج الوحيد هو الوقاية بالمضادات الحيوية الخاصة، ويستمر العلاج لفترة طويلة تمتد أسبوعين أو أربعة، وذلك بهدف وقاية الحمام باجمعه حتى الصغار التي لازالت في البيض، طبعا هنا ينصح في حالة تفشي المرض التخلص من جميع البيض.
يعتبر تطهير الموقع من الأمور الهامة وذلك باستخدام المطهرات ويكون ذلك باستمرار فترة العلاج.
بشكل عام الحمام المصاب يموت ولكن بعض الحالات تنجو ولكن ليس منها فائدة فهي تبقى حاملة للمرض الذي ينتظر الفرصة للفتك بها وبالحمام الأخر.
الحمام المريض يتم استبعاده على الفور بدون تردد وأفضل طريقة هي التخلص منه بإعدامه.
لا يوجد علاج فعال، والتعرف على المرض يتم عن طريق عن طريق البراز الأخضر.
المعالجة يجب ان تبدأ فورا ، ويعالج جميع الحمام بدون استثناء
هناك أنواع من العلاجات للوقاية منها :
الحقن في الرقابة بمادة salmosan- t وذلك 3 مرات يوميا يستخدم العلاج للحمام الثمين بهدف عدم خسارته.

ampicillin-t
يوضع كيس في لتر من الماء لمدة 5 أيام.
Chloramphenicol
يوضع كيس في لتر من الماء لمدة 10 أيام.

تريما ثو سلفا او كولى بريم
4 نقط فى الفم لمدة 4 ايام.
Amoxicure
ملعقة واحدة يوميا لمدة 5 أيام
Tamer El Rwiny المرض ده انا تخلصت منه من اسبوعين تقريبا وده بع ما اطاح ب 63فرد عندى قمت بكل شيئ وكنت بنضف مرتين فى اليوم ومطهرات وكلور وكله ما استفدته الزغاليل لا تنجو من هذا المرض نهائيا لا ينجو من هذا المرض الا الحمام القوى ومناعته قويه المرض ممكن يتعالج فى بدايته فقط اما اذا تطور لدرجه عدم القدره على الهضم فلا فائده من العلاج الحمام اللى استطاع التغلب على المرض بيرجع احسن من الاول احسن علاج جربته وجاب نتيجه ولكن على فتره هو سيدوستين فهو يمنع الاسهال و انتينال جرعات مباشره فى فم الفرد واطعامه اشياء سهله الهضم افضل المطهرات المعويه هو بورتيزول اذابه عدد 2 قرص فى ليتر ماء لمده 5 ايام اعراض ما بعد المرض التواء الرقبه كساح هزه اما التواء الرقبه فينجو منه نسبه60% اما الهزه فتطول علاجها وكذلك الكساح والله ده اللى حصل عندى ورغم خسارتى الفادحه وتجربتى المريره مع تلك اللعنه انصح باستخدام مطهرات معويه اسبوعيا لمده يومين المرض قاتل ولا تفرط فى استخدام الدواءفيؤثر سلبا على الطائر يتسبب السلمونيلا فى اضعاف الطائر ويجعله عرضه للبرد والشخوره وامراض عديده كلمه اخيره المرض بيد الله والشفاء بيد الله ومع تاييدى الكامل لكلام الاستاذ جلال مجاهد الا ان هذا المرض ينشط فى فصل معين بين الشتاء والصيف وهذا تخمين من خلال تجربتى لانه اصاب حمامى 3 مرات فى 6 سنوات ولم يأتى الا فى هذا التوقيت العنايه والنظافه اقوم بها على اكمل وجه ومع ذلك اصابنى المرض والحمد لله على السراء والضراء من المحتمل ان ينتقل المرض عن طريق الجو وهذا ما حدث معى
Dr-george Farm في اول كومنت كتبت التشخيص و هنا حكتب العلاج باستفاضة و طريقة مبسطة لكل المستويات :
في الحقيقة في عدد كبير من المواد الفعالة بيقضي على السالمونيلا ...اومال ليه كله بيخاف منها؟؟؟ دة بسبب الطريقة الخاطئة و غير العلمية في العلاج
من ضمن هذه المواد الفعالة هو*** الكلورامفينيكول (تحت اسم سيدوستين)
*** السلفاديازين (تحت اسم سبترين بشري او كولي بريم بيطري)
و في الحقيقة المواد دي لا تستخدم الا في الحالات البدائية من السالمونيلا فقط
اما في الحالات الشديدة او في حالة ان الجهاز الهضمي توقف عن الهضم بالتالي بديهي كدة مينفعش ادي اي دواء عن طريق الفم لانه حيكون زي قلته
بالتالي بنلجا للحقن في العضل مش تحت الجلد .... انا بقولها في وش اي حد الحقن للمضاد الحيوي تحت الجلد دة جهل ...
فلوموكس 500 او سيفوتاكس 250 للحالات الشديدة
بعد ما تخفف الحقنة بمياه الحقن نسحب بسرنجة الانسولين لغاية رقم 30 و نحقن في عضل الصدر كل 6 ساعات لمدة 3 ايام متواصلين و بكدة نكون قضينا على ميكروب السالمونيلا
مش فاضل عندنا غير السموم الي لسة موجودة في الجهاز الهضمي و دي بنتخلص منها بكبسولة انتينال في الفم يوميا لمدة 3 ايام مع الحقن و تستمر الانتينال 4 ايام تانية بعد انتهاء الحقن
_______________
بكدة نكون قضينا ببساطة على المرض و الفرد يرجع سليم معافى قابل للانتاج .... بككرها يرجع معافى قابل للانتاج و غير حامل للمرض اذا تم علاجه بشكل صحيج
Ahmed Alshazly انا عايز اقول كذا حاجه بقا عايز اقول ان عينك مراقبه يبقى كل شيئ سهل وبسيط يعنى فرد كسلان من اول يوم لو اديته تراب حيخف بمعنى كبسوله انتينال ممكن تانى يوم الاقيه فك وبقى زى الفل طيب انا شخصيا بنتهز فرصه الجلوس مع اى بيطرى نصحنى دكتور ب استربتومايسين100% ملعقه على لترين ميه لمده 5 ايام واوصانى بالتكرار كل 3 شهور والله نفذتها ومشوفتش السالمونيلا خلال الفتره ولو حتى حاجات فرديه واوصانى اخر ب كيم فينيكول سنتى فى لتر ميه 5 ايام للوقايه ويعاد مره كل شهر فانا مش سالمونيلا بس بلاقى فرد اكلته خفت رقبته بيدفنها فى جسمه وفى اول ايام زى ما قلنا عينك لازم تجيب كل حمامك يوميا مرتين فعملت ايييييييييه جبت فرد واديته نقطتين فى الفم اخر النهار لقيته بيبلطج فى الداير مديتوش تانى وعدى وبقى زى الفل فا مشيت على طول بالموضوع ده وماشى زى الفل وطبعا نفس العلاج ده بيجيب نتيجه قويه مع الاسهال الابيض اما بقى لو قلب لاسهال اخضر فعندى توصيه بفك كبسولتين سيدوستين فى لترين ميه واعطاء المصاب نقطتين كولى بريم فى الفم خلال ال 3 ايام بيبقى زى الفل طيب لو زادت وبقت مفيش اكل وبتخس عندى حاجه بيطرى اسمها اوكسى جيكت 5 % بدى نصف سنتى فى اللحم لانى جربته فى القفا مجابش نتيجه كل 8 ساعات وفى اللحم جاب نتيجه وانا مع توصيه دك جورج لانى جربتها جابت افضل او اسرع واشكال السالمونيلا ع الحمام بتبقى كششان اسهال ابيض او اخضر دفن الرقبه فى الجسم هزلان فى الوزن وعدم القدره على السير او الطيران الاقبال على شرب المياه وتنزيلها ساخنه من الفم انتفاش الريش
Ahmed Alshazly استاذ تامر فيه حاجتين ممكن يكونوا او يتواجدوا مع الاهمال او السالمونيلا المتاخره الهزه ودى ليها طريقتين الاولى العزل والاهتمام بالماكل والمشرب والفيتامين مع نسل ريشه وريشه من كامل الديل والجناح والتانيه الجراميسين تحت الجلد اسفل الصدر 20 او 40 % التركيز كل يوم سنتى لحد ما تثبت عليها وارجع للمقترح الاول ان الهزه ممكن تتعالج بالصب وبدون ما تسيب عقده كمان انا ححكيلكم عن طريقتى معاها فى الاول قبل الحقن كنت بنسل ريش الديل وريشه وريشه من الجناحات وكنت بعزلها وكل يوم بديها نص سنتى بيدكال ب 12 لو بتاكل خير وبركه لو مش مركزه كنت بنقع لها فول وترمس حلو واكلها بنفسى طقه واحده حلوه كل 24 ساعه واسقيها واسيبها كانت بتقعد شهر او اكثر قليلا وترجعلى كما كانت وبدون عقده وعلى راى دك جورج جاهزه للانجاب ولا حظت ان اهم حاجه العزل لان المضايقه بتزيد الهزه الى روشه فالعزل ا
هم حاجه والعامل اللنفسى بقا ان دكرها كان فى العين اللى جنبها بيخليها متحسش بالوحده وتموت
Mahmoud Ghoniem انا كان ليا تجربه مع 4 فرد الاول سالمونيلا قلبت بهزه فى فردين وروشه فى فردين استعملت هوستاكورتين 5 ملجم نص قرص بالليل واوجمنتين نص قرص الصبح لمده 5 ايام فردين عدو الحمد لله وفردين ماتو المرووش عقدت عليه ولسه محصيه امبارح والمهزوز الحمد لله طاير فى السلاكه زى القرد بس الفكره كلها فى التشميس ونوعيه الاكل ده طبعا بعد العزل والكورتيزون الموجود فى الهوستاكورتين زيادته بتسبب خطر على الحمام طبعا بس اعتقد ان 5 ايام كافيه جدا للكورتيزون وطبعا الفيتاميينات مهمه جدا بعد العلاج وطبعا الايديال بلاس البلجيكى من اقوى الفيتامينات للحمام لانها مخصصه للحمام فقط ربنا يعينكم ويجازيكم خير على الاهتمام بالموضوع ده وطبعا بعد قفل المناقشه دى لازم لازم فيديو توضيحى للتطهير وانواع المطهرات لان دى من اهم اسباب الوقايه من الامراض لانك كده بتقتل العائل الاساسى للبكتيريا والطفيليات
Sayed Selim افضل علاج بناء علي تجارب عديده هو الدوكسي كول او الدوكسستين و ليس السيدوستين في حاله المياه الساخنه او الامتناع عن الاكل- و الدوكسيستين او الدوكسي كول مكون من الكولستين و الدوكسي سيكلين و هو بودره تذاب في الماء
Nasser Ezz طبعا الاخوة الافاضل وصفو الاعراض بما فيه الكفاية وكمان وصفو الكثير من الادوية لعلاج السالمونيلا والشىء الوحيد اللى اقدر اضيفه فى الموضوع ده ان العلاج لازم يستمر لفترة طويلة وده بيكون للحمام النادر والاصناف التى لا تعوض بسهوله وبيكون العلاج على فترتين 5ايام وراحة5ايام ثم معاودة العلاج لفترة 5ايام تانى طبعا انا هوصف نوعيين من الادوية الفعالة جدا لعلاج السالمونيلا الاول بيطرى وهو الفيوراليزيدون والاسم التجارى له (اف نيزون)وده كبسوله صباحا وكبسولة مساءا لمده 5ايام وراحة5ايام ثم العلاج لمدة5ايام اخرى....والثانى بشرى اسمه كوناز والمادة الفعالة فيه نورو فلوكساسين 400ملى جرام +600ملى جرام تيندازول ودى حبايةبتعالج 10حمامات يعنى بنقسمها ل10اجزاء ودبى احسن حاجة عالجت بها بشرى عن طريق الفم وبندى الحمامة جزء صباحا وجزء مساءالمده5ايام ونريح5ايام ونعاود العلاج لمدة5ايام اخرى والميزة انها بتعالج السالمونيلا والكانكر وكثير من البكتريا المعوية الضارة المهم بعد اى علاج للسالمونيلا ان ننشط البكتريا النافعة المسئولة عن الهضم والامتصاص بالامعاء وده بيتم عن طريق جرعات بسيطة من الخميرة الخاصة بالمخبوزات
وليد الزهيري (السالمونيلا)
-هو مرض بكتيري كثيرا مايصيب الافراخ
-يتطيع المرض الفتك بها قبل ظهور اي علامات المرض
-يبدو الطير المصاب به مترنحا لا يقوى على الوقوف واسهال اخضر زيتي اللون والحوصلة ممتلئ بالماء وعند الضغط عليها بيخرج ماء حار وذو رائحة كريهة جدا
*الوقايه:-
-عزل الطائر
-توجد مضادات حيويه كثيرة
-يستمر العلاج لفتره طويله ويستخدم(فيون التادون) لمده تتراوح بين 3-4 اسابيع بغرض العلاج
(يفضل استخدام الفيور التادون عن استخدام كلورا مفينكول الذي يؤدي استخدامه لفترات طويله الى احداث اثار خطيره بالدم) واتمنى من الله عزوجل ان يبعد عنكم الامراض ومشاكلها
تمت المناقشه للوقوف على كافة الاسباب والعلاجات للسالمونيلا وكل الشكر للمهندس جلال مجاهد والكابتن محمد غلاب وكل شخص شارك معنا لافادة الناس

من فضلك شارك هذا الموضوع اذا اعجبك

بقلم غواة عين شمس

يقدم جروب غواة عين شمس على الفيس بوك هذا الموقع لخدمة غواة الحمام فى العالم العربى .. لا تنسى الاشتراك فى الجروب على الفيس بوك .

ضع تعليقا أخي الكريم